Սայաթ- Նովա «Քանի վուր ջան իմ» Արևելքի դասավանդողներ, Սյուզի Մարգարյան
Ազգային պարերգ — «Պուդուդի»
Սայաթ — Նովա «Բրոյի-Բրոյի»
1․Դ․ Վարուժան — Անդաստան
Արևելյան կողմն աշխարհի Խաղաղությո՜ւն թող ըլլա… Ո՛չ արյուններ, քրտինք հոսին Լայն երակին մեջ ակոսին. Ու երբ հնչե կոչնակն ամեն գյուղակի՝ Օրհներգությո՜ւն թող ըլլա:
2․ Ն․ Շնորհալի — Զարթիք փառք իմ
Զարթիք փառք իմ, զարթիք. և ես զարթեաց առավոտուց. ալելուիա:
Զարթիք ընդ զըվարթունս, Մանկունք վերինըն Սիոնի. ալելուիա:
Զարթիք որդիք լուսոյ Ի օրհնություն Հօրըն լուսոյ. ալելուիա:
Զարթիք փրկեալք արեամբ Եվ տուք ըզփառըս փըրկողին. ալելուիա:
Զարթիք նոր ժողովուրդք Նոր երգս առեալ նորոգողին. ալելուիա:
Զարթիք հարսունք հոգւով Սպասեալք գալոյ սուրբ փեսային. ալելուիա։
3․ Վարդը
Փոքրիկ տղան մի վարդ տեսավ, Տեսավ մի վարդ դաշտի միջին. Վարդը տեսավ, ուրախացավ, Մոտիկ վազեց սիրուն վարդին:
Սիրուն վարդին, կարմիր վարդին, Կարմիր վարդը դաշտի միջին։
Տղան ասավ.— Քեզ կըպոկեմ, Ա՛յ կարմիր վարդ դաշտի միջին։ Վարդը ասավ.— Տե՜ս, կըծակեմ, Որ չըմոռնաս փըշոտ վարդին:
Փըշոտ վարդին, կարմիր վարդին, Կարմիր վարդը դաշտի միջին։
Ու անհամբեր տըղան պոկեց, Պոկեց վարդը դաշտի միջին. Փուշը նըրա ձեռքը ծակեց, Բայց էլ չօգնեց քընքուշ վարդին:
Քնքուշ վարդին, կարմիր վարդին, Կարմիր վարդը դաշտի միջին։
4․ Ընթերցում — Հաֆիզ, Անահիտ Ստեփանյան
«Թո՜ղ վարդը իր թփին: Եթե քաղվի՝ նա կմեռնի, և դու չես տեսնի նրա գեղեցկությունը և հոտը չես առնի: Թո՜ղ վարդը իր թփին: Մի՞թե դու չես կարող չքաղած հիանալ նրանով: Թո՜ղ վարդը իր թփին:
5․ Համբարձում է, գարուն է
Համբարձում է, գարուն է, Ջա՜ն, ծաղիկ, ջա՜ն, ջա՜ն, Մեր վիճակը սիրուն է, Ջա՜ն, վիճակ, ջա՜ն, ջա՜ն:
Մասնակիցներ. կրթահամալիրի Արևելյան դպրոց ընդունվող սովորողներ, 1-ին դասարաններ
Նախագիծ
«Մուտք կրթահամալիր» ճամբարով՝
Կրթահամալիր ընդունվելու համար 1-ին դասարանի սովորողը մասնակցում է ճամբարի՝ ծանոթանալու հեղինակային կրթական ծրագրի կազմակերպման պայմաններին, պահանջներին, ներկայանալու, պատրաստվելու ուսումնառությանը:
Արդյունքում.
Հանդիպումների ընթացքում «Մուտք կրթահամալիր» ճամբարի մասնակիցները կծանոթանան և կմիանան կրթահամալիրոմ իրականացվող հեղիանակային մանկավարժության միասնական ներառող նախագծերին, ուսումնական տարբեր գործունեությունների՝ ճամփորդությունների-քայլարշավների-ծեսերի։
դասարանի, խմբի, կուրսի բոլոր սովորողների, սաների, ուսանողների ներառում:
Խնդիր
դասարանական երգչախմբի ստեղծում,
երգացանկի ընտրություն:
Աշխատանքիծավալըևժամանակացույցը
Նախագիծն իրականացվում է ուսումնական տարվա ընթացքում, կատարումները ներկայացվում են՝ որպես ուսումնական գործընթացի արդյունք:
Մասնակիցների, սովորողներիտարիքայինխումբը
1-5-րդ դասարանների սովորողներ
Խմբավար՝ դասվարներ
Դասարանական երգչախմբի համար ընտրել տվյալ տարիքին համապատասխան երգ, ուսուցանել: Ներառել բոլորին, երաժշտական ունակության առկայությունը կամ բացակայությունը չի կարող հանդիսանալ պատճառ՝ սանին, սովորողին, ուսանողին չներառելու խմբային աշխատանքի մեջ: Նպատակը՝ բոլորի ներառումն է խմբային երգեցողության մեջ: Աշխատել ինտոնացիոն մաքուր, անսամբլային երգեցողության վրա: Պարերգը կատարել համապատասխան պարային քայլով կամ պարով, խաղերգը՝ խաղով, կարելի է կատարել երգի շարժումային ձևավորում: Որոշել երգչախմբի միասնական հագուստը, որոշ էլեմենտներ՝ տեսքի ամբողջական ներկայացման համար:
Արդյունք
Սաները, սովորողները լիարժեք յուրացնում են նյութը, հասկանում են խմբավարի ձեռքի շարժումները, կարողանում են միասին կատարել երաժշտական ստեղծագործությունը, երգի հետ կապված պարային, այլ շարժումներ:
Սանը, սովորողը, ուսանողը
կարող է
երգել միասին՝ խմբի, երգչախմբի հետ,
գիտի
ինչ երաժշտական կառույց է երգչախումբը, ով է խմբավարը, ինչ շարժումներով է ղեկավարում երգչախմբին:
Անոտացիա
Երաժշտության գործունեության ձևերից է երգը, որի ուսուցումը կատարվում է բոլորի հետ: Դասարանական երգչախմբերի ստեղծումը ծրագրային կարևոր աշխատանք է: Ինչպես մյուս առարկաների այնպես էլ՝ երաժշտության դեպքում գործընթացին մասնակցում են բոլորը: Չի կարելի ներառել միայն ունակներին՝ նպատակ ունենալով ցուցադրել մաքուր երգեցողություն: Երգը պետք է երգի ամբողջ խումբը, դասարանը, կուրսը: Երաժշտական ունակության զարգացման համար կան մանկական, պատանեկան երգչախմբեր, որտեղ յուրաքանչյուրը կարող է ստանալ համապատասխան վոկալ կրթություն:
Մարինե Ոսկանյան 