Նախագիծ. Ծեսը՝ ուսումնական գործընթացի կազմակերպման արդյունավետ միջոց

Նախագիծ

Ծեսը՝ ուսումնական գործընթացի կազմակերպման արդյունավետ միջոց

Նպատակ

  • ազգային մշակույթի յուրացում
  • երաժշտական ճաշակի զարգացում

Խնդիրներ

  • ուսումնասիրել ծիսական միջավայրը,
  • յուրացնել ազգային, ծիսական, հոգևոր երաժշտական նյութը,
  • ուսումնական գործընթացը կազմակերպել դրսում՝ ջրի (լողավազանի, գետի, լճի) մոտ, այգում, դաշտում, սարերում, ճամփորդության ընթացքում և այլ բնական միջավայրում:

Արդյունք

Ուսումնական փաթեթներ՝ տեսագրությունների, ձայնագրությունների միջոցով:

Աշխատանքի կազմակերպման ձևը

Անհատական և խմբային:

Մասնակիցների կազմը

Նախակրթարանից մինչև Ավագ դպրոց, Քոլեջ:

Ընթացքը

Ուսուցանել երաժշտական նյութը՝ ազգային, ծիսական, հոգևոր երգեր, պարեր, պարերգեր: Ծեսի   նախապատրաստական գործընթացին ինտեգրել մայրենի լեզվի, ձեռարվեստի դասավանդողներին՝ սովորողների հետ համապատասխան նյութեր յուրացնելու, ծիսական պարագաներ պատրաստելու համար: Եթե ծիսական պարագան պատրաստվում է ծեսի իրականացման ընթացքում, պատրաստել բնության գրկում՝ երգերի, պարերի, պարերգերի, հետաքրքիր պատմությունների, զրույցների  ուղեկցությամբ: Յուրացնելով ծեսը՝ չկրկնել միայն նկարագրածով, ստեղծագործել, նոր համապատասխան կերպարներ, գործողություններ, պարագաներ ստեղծել: Գործողությունները և նոր պարագաները, կերպարները պետք է ստեղծեն մասնակիցները, պատճառաբանեն, հիմնավորեն, արդարացնեն փոփոխությունը, ինչից ելնելով է այն կատարվում, որքանով է բնական, հետաքրքիր, ժամանակակից: Կարելի է փորձել նորությունը, չվախենալ փոփոխությունից: Ստեղծականությունը պետք է լինի անընդհատ, ամբողջ ծեսի ընթացքում:

Արդյունքների ծավալը և ժամանակացույցը

Աշխատանքը անընդհատ է և շարունակական: Փուլ առ փուլ կներկայացվեն ստացված արդյունքները:

Ճամփորդություն Աստվածընկալ վանքի ձոր Համբարձման ծես նախագծով

Արևելյան դպրոցի 2.3, 2.4. 3.2 և 3.3 դասարանների սովորողներով Աստվածընկալ ձորում իրականացրինք Համբարձման ծեսը՝ երգով, խաղով, պարով հագեցած:

Մանրամասները՝ Մերի Գրիգորյանի, Անահիտ Հարությունյանի և Արմինե Մովսիսյանի տեսանյութերում:

Համբարձման ծեսը Ապարանում

Այսօր Արևելքի 1-ին, 2-րդ և 4-րդ դասարանները Ապարանի ջրամբարի արգելոցում տոնեցին Ջանգյուլումը։ Սովորողները ծեսը սիրեցին, յուրացրեցին ազգային մշակույթի տարրերը։

Յոթն աղբյուրից աղջիկները ջուր հավաքեցին փարչի մեջ, յոթ տեսակ ծաղի գցեցին ջրի մեջ, հետո գնացին ծաղիկ հավաքելու և պսակ գործելու… Վերջում ծեսն ամփոփվեց միասնական համբարձման երգերի կատարումներով.

Մանրամասները՝ տեսանյութերում:

Համբարձման ծեսը Ծաղկեվանքում

Համագործակցային նախագծով՝ Արևելյան դպրոցի 2.2 դասարանի սովորողները, դասվար՝ Սաթենիկ Սիմոնյանի և Ավագ դպրոցի սովորողները, Հայարփի Անանյանի հետ միասին ուղևորվեցինք Ծաղկեվանք Համբարձման ծեսը տոնելու: Հրաշալի օր ունեցանք: Ծեսին մասնակից դարձան նաև հանդիսատես հյուրերը: Մանրամասները՝ տեսանյութում:

Համբարձման ծեսը Վարսերում

Արևելք երգչախմբի անդամներն ու Վարսերի միջնակարգ դպրոցի սովորողները, համատեղ նախագծով Վարսերում իրականացրին Համբարձման ծեսը: Օրը շատ հագեցած ու երաժշտական էր: Ծանոթացանք միմյանց հետ, երգեցինք, պսակներ հյուսեցինք, ազգայի խաղեր խաղացինք:

Մանրամասները՝ տեսանյութում:

«Անդաստանի ծես» Սուրբ Երրորդություն եկեղեցում

Անդաստանին հանդիսավոր կերպով օրհնվում են աշխարհի չորս ծագերը, երկիրը, տարվա պտղաբերությունը, վանքերը, բնակավայրերը և նրանց բնակիչները: Մաշտոց ծիսամատյանում կա նույնիսկ արտի օրհնության կարգ: Տոնացույցի համաձայն՝ «անդաստան ելանել» կամ «անդաստան օրհնել» նշանակում է եկեղեցու ատյանում շրջելով՝ աշխարհի չորս կողմերը օրհնել: Անդաստանը սովորաբար կատարվում է եկեղեցու ատյանում, իսկ եթե ատյանը փոքր է, ապա եկեղեցու կենտրոնական մասում:

Տեսաֆիլմը՝ Քնարիկ Ներսիսյանի