Կրթահամալիրի Արևելյան դպրոցում, ձևավորվել է գեղեցիկ ավանդույթ. սովորողների թիմի մասնակցությամբ արդեն նկարահանվել են թվով 4 տեսահոլովակներ: Կարծում եմ դա կատարված աշխատանքի հաշվետվության հրաշալի մեկնաբանություն է, որը նաև հնարավություն է տալիս սովորողին փորձ ձեռք բերել նկարահանման գործընթացում:
Հույս ունեմ, որ նախագիծը կլինի շարունակական, կունենա նոր և ավելի հետաքրքիր լուծումներ, լայն տարածում և զարգացումներ:
Տեսահոլովակը հանրակրթության լավագույն միջոց է հեշտ ընկալելու և տիրապետելու յուրաքանչյուր ստեղծագործության: Օրինակ «Puttin on the Ritz» երգը, որի հիման վրա վերջերս նկարահանվեց տեսահոլովակ, այն կրտսեր տարիքի սովորողների համար՝ համարվում է բարդագույն ժանր: Բայց շատ աշխատանքի, համբերատար ուսուցման շնորհիվ, այն կայացավ, ձայնագրվեց և հետո վերածվեց տեսահոլովակի, որի միջոցով էլ -ից 5-րդ դասարանների սովորողները սկսեցին տիրապետել թե երգին և թե պարային շարժումներին: Այստեղ, աշխատանքը հաջողվեց:
Տեսահոլովակը նկարահանելիս, նախ և առաջ, անհրաժեշտ է հանդիպել կրթահամալիրի նկարահանող խմբի անդամներին, հանգամանորեն նրանց ներկայացնել ստեղծագործությունը, մտահաղացումները, մասնակիցների հնարավորությունները, հաշվի առնել սովորողների կարծիքը, տեսանկյունը, լսել նրանց նոր և թարմ գաղափարները, միասին, համատեղ ուժերով քննարկել նկարահանման ողջ գործընթացը:
Այնուհետև, շատ կարևոր է ճիշտ որոշում կայացնել տեսահոլովակի նկարահանման վայրի ընտրության հարցում: Այն պետք է լինի սցենարին համապատասխան վայր, ակնահաճո և եղանակային ոչ բարենպաստ պայմանները չպետք է խաթարեն նկարահանման ընթացքը կամ ստեղծեն անհարմարավետություն նկարահանող խմբի անդամների և մասանկիցների համար:
Շատ կարևոր դեր և նշանակություն ունեն տեսահոլովակում նկարահանվող մասնաիկիցների, սցենարին համապատասխան, գունային և ոճային հագուստի համադրությունը:
Ի՞նչ է տալիս սովորողին տեսահոլովակում նկարահանվելը:
Ձերբազատվում են ամենատարբեր բարդույթներից
Ձեռք են բերում ռեժիսորական հմտություններ
Ձեռք են բերում ինքնավստահություն և հնարավորություն են ստանում ինքնադրսևորվել
Ձեռք են բերում ճիշտ և արագ կողմնորոշվելու ունակություն
Ձեռք են բերում բացառիկ ունակություն՝ համատեղել գրագետ երգեցողությունը դերասանական վարպետության և արտիստիկ ու բեմական կեցվածքի հետ
Թիմում աշխատելու կարողություն, պատասխանատվության զգացում, որակյալ արդունք ստանալու ձգտում:
Մարինե Ոսկանյան 