Նոր Տարի — Խոսքերի հեղինակ՝ Վ. Անդրեասյան, երաժշտության հեղինակ՝ Ա. Գրիգորյան

Դրսում ձմեռ է, բայց շատ լուսավոր է,
Այսօր ի՞նչ օր է, ասա՛,
Սպասում են, տե՛ս, այս աշխարհում բոլորը,
Այսօր ի՞նչ օր է, ասա՛,
Ինչու՞ է, որ իմ սրտում կա հիմա երգ ու պար,
Վաղուց կորած մի աշխարհ, հեռավոր մանկության լույս աշխարհ:

Գուցե կորչում է մի օր մանկությունը,
Եվ մի օրով ետ գալիս, Եվ Նոր տարի է այդ օրվա անունը,
Նա լույսերով է գալիս,
Գալիս է նա ու թակում բոլորիս դուռը փակ,
Գալիս է նա, որ նորից հավատանք ու սիրենք, ու խնդանք:

(ԿՐԿՆԵՐԳ)
Դու, Նոր տարի,
Դու, Նոր տարի,
Մեզ, Նոր տարի, մանկացրու ու փոխիր,
Մեր Նոր տարի, գալդ բարի,
Մեզ, Նոր տարի, մոր նման ամոքիր:
Դու, Նոր տարի,
Դու, Նոր տարի,
Մեզ, Նոր տարի, փայփայիր քո սիրով,
Դու, Նոր տարի,
Դու, Նոր տարի,
Մեզ , Նոր տարի, փարատիր հույսերով:

Դրսում ձմեռ է, բայց շատ լուսավոր է,
Այսօր ի՞նչ օր է, ասա՛,
Սպասում են, տե՛ս, այս աշխարհում բոլորը,
Այսօր ի՞նչ օր է, ասա՛,
Ինչու՞ է, որ իմ սրտում կա հիմա երգ ու պար,
Վաղուց կորած մի աշխարհ, հեռավոր մանկության լույս աշխարհ:

(ԿՐԿՆԵՐԳ)
Դու, Նոր տարի,
Դու, Նոր տարի,
Մեզ, Նոր տարի, մանկացրու ու փոխիր,
Մեր Նոր տարի, գալդ բարի,
Մեզ, Նոր տարի, մոր նման ամոքիր:
Դու, Նոր տարի,
Դու, Նոր տարի,
Մեզ, Նոր տարի, փայփայիր քո սիրով,
Դու, Նոր տարի,
Դու, Նոր տարի,
Մեզ , Նոր տարի, փարատիր հույսերով:

Պսակ-պսակ

Պսակ-պսակ

Տիկնի պսակ.

Փեսեն էկավ՝

Լիքը քսակ,

Տիրնանինե, տիրնանինե,

Զուռնի ձենը

Գեղով մին է…

 

Բոյը՝ չինար,

Մեջքին՝ քամար,

Աչքերը՝ ծով,

Ունքը կամար,

Տիրնանինե, տիրնանինե,

Զուռնի ձենը

Գեղով մին է…

Տիգրան Մանսուրյան 80

135981Տիգրան Մանսուրյանը ծնվել է Բեյրութում: 1940-ականների վերջերին ընտանիքով ներգաղթել է Հայաստան: Մանսուրյանը 1956-1960 թվականներին կոմպոզիցիա է սովորել Երևանի Ռոմանոս Մելիքյանի անվան երաժշտական ուսումնարանում (Էդուարդ Բաղդասարյանի դասարան), ապա 1960-1965 թվականներին՝ Երևանի Կոմիտասի անվան պետական կոնսերվատորիայում՝ Ղազարոս Սարյանի դասարանում, ում ղեկավարությամբ 1967 թվականին ավարտել է ասպիրանտուրան։ Ուսանողական տարիներին գրել է տարբեր ժանրի երկեր, արժանացել մրցանակների։ 1967-1986 թվականներին ժամանակակից երաժշտության տեսություն է դասավանդել կոնսերվատորիայում։ 1986 թվականին Մանսուրյանին շնորհվել է երաժշտության պրոֆեսորի կոչում։ 1992-1995 թվականներին զբաղեցրել է կոնսերվատորիայի ռեկտորի պաշտոնը։

Մանսուրյանը նախկին ԽՍՀՄ-ում ժամանակակից երաժշտության ռահվիրաներից մեկն է և առաջինը, ով կոմպոզիցիոն ժամանակակից հնարներ (ինչպես օրինակ՝ նեոկլասիցիզմդոդեկաֆոնիզմվեբեռնիզմ) է ներմուծել Հայաստան։ Կոմպոզիտորի ստեղծագործությունները մեծ հաջողությամբ են ընդունվում ԼոնդոնումՓարիզումՀռոմումՄիլանումՎիեննայումՄոսկվայումՎարշավայումՆյու-ՅորքումԼոս Անջելեսում և համաշխարհային երաժշտական այլ մայրաքաղաքներում։ Մանսուրյանի ստեղծագործությունները հայկական երաժշտարվեստի և ժողովրդական ավանդույթների հետաքրքիր միահյուսություն են՝ իրենց լուսապայծառ, արտահայտիչ մեղեդիներով և տպավորապաշտ, բարձրաճաշակ ու ընտիր հնչերանգներով։

Գրել է «Ձյունե թագուհին» (ըստ Հանս Քրիստիան Անդերսենի, 1988, բեմադրություն՝ 1990) բալետը, սիմֆոնիկ երկեր՝ «Պարտիտ» (1965), «Պրելյուդներ» (1975), «Գիշերային երաժշտություն» (1980), կոնցերտներ՝ թավջութակի և նվագախմբի (1976, 1981, 1983), երգեհոնի և լարային նվագախմբի (1964), ջութակի և լարային նվագախմբի (1981), ալտի և կամերային նվագախմբի (1995), «Արվեստ Քերթության» երգչախմբի (խոսք՝ Եղիշե Չարենցի, 1997-1999) համար, կամերային երկեր՝ «Թովեմ» (15 մենակատարի համար, 1979), լարային կվարտետներ, 5 բագատել դաշնամուրային տրիոյի համար (1985), սոնատներ, վոկալ-կամերային մադիիգալների շարք (ձայնի և տիիոյի համար), «Հավատով խոստովանիմ» (ձայնի, ալտի և տղամարդկանց երգչախմբի համար, ըստ Ներսես Շնորհալու, 1999), վոկալ շարքեր՝ «4 հայրեն Նահապետ Քուչակից»(1967), «Մայրամուտի երգեր» (խոսք՝ Համո Սահյանի, 37 1983), «Երկիի Նաիրի» (խոսք՝ Վահան Տերյանի, 1984), «Գարնան երգեր» (խոսք՝ Հովհաննես Թումանյանի, 1993), խմբերգեր, կինոնկարների (Սերգեյ Փարաջանովի «Նռան գույնը»[2]Միքայել Վարդանովի «Հայկական հողի գույնը»[3]«Կտոր մը երկինք»«Մենք ենք, մեր սարերը»«Սգավոր ձյունը»«Հին օրերի երգը»«Մեր մանկության տանգոն») և թատերական («Ջոն արքա», «Հացավան», «Մեծ լռություն» և այլն) երաժշտություն[4][5][6]: Մանսուրյանի կինոերաժշտությունն առանձնանում է մեղեդայնությամբ, քնարականությամբ և մեծապես նպաստում է ֆիլմի գեղարվեստական նկարագրի ամբողջացմանը։ Կոմպոզիտորի ստեղծագործությունները կատարվել են Լոնդոնի, Փարիզի, Հռոմի, Միլանի, Բեռլինի, Վիեննայի, Մոսկվայի, Նյու Յորքի, Լոս Անջելեսի և այլ քաղաքների խոշորագույն համերգային դահլիճներում[7]:

2016 թվականի ապրիլի 14-ին ՀՀ Նախագահի հրամանագրով նշանակվել է ՀՀ Հանրային խորհրդի անդամ[8]:

 

 

Կոմիտաս Կաքավի գովքը

Արև բացվեց թուխ ամպերեն, 
Կաքավ թըռավ կանաչ սարեն, 
Կանաչ սարեն` սարի ծերեն, 
Բարև բերավ ծաղիկներեն: 
Սիրունի՜կ, սիրունի՜կ, 
Սիրունիկ, նախշուն կաքավիկ: 

Քո բուն հյուսած ծաղիկներով, 
Շուշան, նարգիզ, նունուֆարով, 
Քո տեղ լըցված ցող ու շաղով, 
Քընես-կելնես երգ ու տաղով: 
Սիրունի՜կ, սիրունի՜կ, 
Սիրունիկ, նախշուն կաքավիկ: 

Քո թև փափուկ ու խատուտիկ, 
Պըստի կըտուց, կարմիր տոտիկ,
Կարմիր-կարմիր տոտիկներով, 
Կը շորորաս ճուտիկներով: 
Սիրունի՜կ, սիրունի՜կ, 
Սիրունիկ, նախշուն կաքավիկ: