«Պարապմունք — համերգ» , «Սուրբ Ծննդյան «Ավետիս»-ներ, ամանորյա խաղեր» նախագծերով՝ Սուրբ Ծննդյան ծիսական Տնայց, ամանորյա ընկուզախաղեր կրտսեր դպրոցում
Մասնակիցներ՝ Քոլեջի, Արևելյան դպրոցի երրորդ դասարանների սովորողներ
Պատասխանատուներ՝ Մարինե Մկրտչյան, Սեդա Վիրաբյան
Ժամանակացույց՝ հունվար, (օրը և ժամը կլրացվի)
Վայրը՝ Արևելյան դպրոց
Ծրագրում՝
Ընթացքը
Չարխափանի պատրաստում. մասնակիցներից յուրաքանչյուրը մեկական ընկույզ է բերում, որը ցույց տված եղանակով բաժանվում է երկու մասի, միջից հանում են միջուկը, իսկ կեղևներից չարխափանի համար պատրաստում թելից կախված ընկույզ:
Մասնակիցները նախօրոք սովորում են Սուրբ Ծննդյան «Ավետիս»-ներ: Քոլեջի սովորողները Արևելյան դպրոցի սովորողներին ուսուցանում են «Ավետիս»-ի իրենց տարբերակը, իսկ Արևելյան դպրոցի սովորողները՝ իրենց երաժշտության դաստիարակի հետ Քոլեջի ուսանողներին ուսուցանում են իրենց տարբերակը: Ապա կատարվում է «տնայց»՝ Արևելյան դպրոցի ուսումնական ազգագրական ճամբարի որևէ խումբ: Խումբը պատրաստված է՝ ունի հյուրասիրություն: Ավետիս երգողները ձեռքերին ունեն չարխափաններ, զանգակներ, շրխկացող, ծլնգացող իրեր, գործիքներ: Ավետիսի կատարումն ուղեկցվում է ծլնգոցով, զրնգոցով:
Տնայցից հետո խաղում են ընկուզախաղեր.
ա. միասին
բ. առանձին՝ իրենց խմբում
Ընկուզախաղերի համար հարկավոր է ունենալ ընկույզներ, ինչպես նաև՝ թելից կախված ընկույզներ:
Մարինե Ոսկանյան 