Առավոտյան ընդհանուր պարապմունք մայիսի 31-ից հունիսի 4-ը

«Հակաբացիլ Կոմիտաս» նախագծով

Օր՝ մայիսի 24-28

Վայր՝  Արևելյան դպրոցի կասկադ

Մասնակիցներ՝ Արևելյան դպրոցի սովորողներ, դասավանդողներ:

Երկուշաբթի  2-րդ դասարաններ, ծրագրում՝

Արև, Արև, Կաքավիկ, Սոնա յար, Հոյ նազան, Այբ բեն գիմ, Գնացեք տեսեք

Ազգային պարեր, մարզական ֆլեշմոբեր, միասնական ընթերցանություններ, ծննդյան շնորհավորանքներ:

Երեքշաբթի, հինգշաբթի 4-5-րդ դասարաններ, ծրագրում՝

Հայր մեր, Էսօր ուրբաթ է, պաս է, Երևան բաղ եմ արել, Սոնա յար, Հոյ նազան, Գնացեք տեսեք:

Ազգային պարեր, մարզական ֆլեշմոբեր, միասնական ընթերցանություններ, ծննդյան շնորհավորանքներ:

Չորեքշաբթի 3-րդ դասարաններ, ծրագիր

Կաքավիկ, Սոնա յար, Հոյ նազան, Այբ բեն գիմ, Հայր մեր, Արև, Արև, Գնացեք տեսեք:

Ազգային պարեր, մարզական ֆլեշմոբեր, միասնական ընթերցանություններ, ծննդյան շնորհավորանքներ:

Ուրբաթ — 5 տարեկաններ և 1-ին դասարաններ, դասվարներ: Պատասխանատու՝ Տաթև Մանվելյան

Նախագիծ` «Հակաբացիլ Կոմիտաս»

Նախագիծ` «Հակաբացիլ Կոմիտաս»

Նախագծի հեղինակ՝ Արթուր Շահնազարյան

1. Թեման

Կոմիտաս, Կոմիտասի ժառանգությունը

2. Մասնակիցների, սովորողների տարիքային խումբը

• Նախակրթարան
• Կրտսեր դպրոց
• Միջին դպրոց
• Ավագ դպրոց

3. Աշխատանքների ծավալը և ժամանակացույցը

Նախագիծն իրականացվում է տարվա ընթացքում, ամփոփվում է ուսումնական տարվա վերջում՝ ընդհանուր կատարումներով, ներկայացված նախագծերով:

4. Աշխատանքների ընթացքը, նպատակը, խնդիրներն ու արդյունքները

Նախագծի նպատակը

• սովորողների երաժշտական կրթում,
• նրանց մոտ երաժշտական մշակույթի ձևավորում:

Խնդիրները

• սովորողներին, սաներին ներկայացնել Կոմիտասի թողած երաժշտական ժառանգությունը, որը կնպաստի նրանց գեղագիտական ճաշակի ձևավորմանը,
• երաժշտության միջոցով հաղորդակից դարձնել ազգի մշակույթին, նպաստել դրա յուրացմանը,
• երաժշտական մտածողության ձևավորում և զարգացում,
• հոգևոր  զարգացում,
• ազգային, հոգևոր նյութի յուրացում,
• գեղարվեստական մտածողության ձևավորում և զարգացում,
• ընդհանուր  զարգացման ապահովում,
• ստեղծագործական երևակայության զարգացում,
• երգի ուսուցման և կատարման միջոցով

—  երաժշտական ունակությունների զարգացում,
—  երգի կատարողական գրագիտության և կուլտուրայի մշակում,
—  երգի կերպարային զգացողություն,
—  ճաշակի ձևավորում:

Ընթացքը

• Նյութի ընտրություն

• կյանքն ու գործունեությունը,
• Կոմիտասը՝ որպես ազգագրագետ,
• ուսուցման և կատարման համար նախատեսված ստեղծագործությունները՝ ինչպես ըստ տարիքային խմբերի, այնպես էլ ընդհանուր կատարման համար,
• ունկնդրման համար նախատեսված ստեղծագործություններ.
• խմբերգեր,
• մեներգեր,
• դաշնամուրային ստեղծագործություններ,
• մշակումներ լարային քառյակի և այլ կազմերի համար,
• ծրագրային երգեր,
• Կոմիտասի կատարումները,
• նամակները, բանաստեղծությունները, հայտնի մարդկանց հուշերը:

Սովորողների հետ տարվող աշխատանքը

• երգերի ուսուցում, կատարում,
• ունկնդրում,
• համապատասխան ուսումնական նյութերի ստեղծում՝ սովորողների համար, սովորողների կողմից (ցուցադրության համար նախատեսված նյութեր, տեսանյութ, ֆիլմ, կարաոկե, այլ նյութեր),
• մայրենիի ինտեգրում՝ տպավորություն, կարծիք, պատում և այլն:

Հետազոտական աշխատանք

Սովորողները ինքնուրույն կամ մեծերի օգնությամբ տեսագրում, ձայնագրում են իրենց շրջապատի Կոմիտասի ստեղծագործություններն իմացող, կատարող անձանց: Աշխատանքի կատարման արդյունքում պարզում են՝ ինչքանով են Կոմիտասի ստեղծագործություններն հայտնի, ճի՞շտ են կատարվում, իրենց շրջապատող մարդիկ գիտե՞ն Կոմիտասի դերն ու արժեքը:

Աղբյուրները՝ համացանց (www.komitas.am,   www.youtube.com , այլ կայքեր), գրականություն:

Նյութի բաշխում՝ ըստ մասնակիցների, սովորողների տարիքային խմբերի

Բոլոր տարիքային խմբերը, բացի նախակրթարանից, կատարում են ընդհանուր կատարման համար ընտրած երգերը.

Երաժշտական փաթեթներ

• Հակաբացիլ Կոմիտաս երգեր. 1-12-րդ դասարանների, քոլեջի ուսանողներ
• Հակաբացիլ Կոմիտաս երգեր. նախակրթարան, 5-6 տարեկաններ
• Հակաբացիլ Կոմիտաս 20 երգեր. երգելու, ունկնդրելու և ծանոթանալու համար
• Հայացք բարձունքից՝ Կոմիտասով

Բացի ընդհանուր երգերից, ամեն տարի Երաժշտության կենտրոնը ընտրում է Կոմիտասի երգերից ևս 5-ը, որոնք կատարվում են նախագծի իրականացման շրջանակում:

Նախակրթարանի սաները ընդհանուր կատարման համար ընտրած երգերից կարող են կատարել «Արև, արև, ե՛կ, ե՛կ» և «Գնացեք, տեսեք» երգերը:

Երաժշտության դաստիարակը իր ընտրած երգերը, որոնք կարող են կատարել սաները, ներկայացնում է Երաժշտության կենտրոնին:

Առաջարկվող գրականություն

• Կոմիտասի հատորները,
• Կոմիտասի նամակները,
• Կոմիտասի բանաստեղծությունները,
• Կոմիտասի մասին գրված գրականություն:

Արդյունքները

Սովորողը  կիմանա

• Կոմիտասի ստեղծած, գրի առած և մշակած հայկական ժողովրդական երգերը,
• Կոմիտասի ստեղծագործությունները՝ վոկալ, դաշնամուրի համար գրված, խմբերգերը,
• Կոմիտասի անվան լարային քառյակի կատարմամբ Կոմիտասի գրի առած և հորինած ստեղծագործությունները:

Սովորողը կլինի

• Կոմիտասի երգերը իմացող, փոխանցող, տարածող

Սովորողը կկարողանա

• երգել մաքուր ինտոնացիայով, վոկալ ճիշտ շնչառությամբ,
• համացանցից (Կոմիտասի վիրտուալ թանգարան  , Հայկական ազգային երաժշտական գանձարան ,  այլ կայքեր) և այլ աղբյուրներից ինքնուրույն գտնել անհրաժեշտ նյութեր:

Սովորողների և դասավանդողների ստացած արդյունքների ներկայացումը կայքում, բլոգում, ձայնադարանում

• Կոմիտասյան օրերին, կրթահամալիրի տարբեր դպրոցների տարբեր խմբեր, որոնք ուսումնական նախագծի շրջանակներում նախապես պատրաստվել են, ելույթներով հանդես կգան ինչպես իրենց դպրոցի սաների, սովորողների, այնպես էլ կրթահամալիրի այլ դպրոցների սաների, սովորողների, դասավանդողների առջև:
• Սովորողները իրենց ենթակայքերում, բլոգում կներկայացնեն Կոմիտասի մասին իրենց կատարած հետազոտական աշխատանքները, որոնցից լավագույնները իրենց տեղը կգտնեն կրթահամալիրի Ձայնադարանում: