Աշխատանքային երգերի փաթեթ

1-3-րդ դասարաններ

1.Կոտ ու կես

2.Հեփ,հոփ

3. Հարի, հարի խնոցի

4. Ջաղացս մանի, մանի

5․ Գունդ անեմ

6. Բաղը քաղինք

7. Հունձքի երգ

8. Ցորեն եմ ցանե

9. Հաց կթխեմ գարի ա

1. ԿՈՏ ՈՒ ԿԵՍ

ԿՈՏ ՈՒ ԿԵՍ ԿՈՐԵԿ ՈՒՆԵՄ ՑԱՆԵԼՈՒ ՀԱՄԱՐ,
ՃՆՃՂՈՒԿՆԵՐ ԹՌԱՆ ԵԿԱ ՈՒՏԵԼՈՒ ՀԱՄԱՐ,
ԿՌԱՑԱ ՔԱՐ ՎԵՐ ԱՌԱ ԶԱՐԿԵԼՈՒ ՀԱՄԱՐ,

____ԱՅ ՃՆՃՂՈՒԿԻԿ,
____ԿԱՐՄԻՐ ՏՈՏԻԿ,
____ՍՊԻՏԱԿ ՓՈՐԻԿ,
____ՈՒՏԵՆ ԿՈՒՏԻԿ,
____ԽՄԵՆ ՋՐԻԿ,
____ԱՌՎԻ ԵԶՐԻԿ,
____ՊՍՏԻԿ-ՄՍՏԻԿ,

ՓԱԽՉԵՆ ԵՐԹԱՆ ՄԱՆ ԳԱԼՈՒ ՀԱՄԱՐ:

2. ՀԵՓ, ՀՈՓ

ԼԱՆՋԻ ՀՈՂԻՆ, ՀԵՓ, ՀՈՓ, ՀԵՓ, ՀՈՓ,

ՀԱՑՆ Ա ԿՈՂԻՆ, ՀԵՓ, ՀՈՓ, ՀԵՓ, ՀՈՓ,

ՈՒՏԵՄ ՀԱՄԵՄ, ՀԵՓ, ՀՈՓ, ՀԵՓ, ՀՈՓ,

ՑՈՐԵՆ ԾԱՄԵՄ, ՀԵՓ, ՀՈՓ, ՀԵՓ, ՀՈՓ,

ԼՈՒՍՆԱԿ ԳԻՇԵՐ, ՀԵՓ, ՀՈՓ, ՀԵՓ, ՀՈՓ,

ՏԱՓԱԿ ԿԸՏԵՐ, ՀԵՓ, ՀՈՓ, ՀԵՓ, ՀՈՓ,

ԱՆՆԱ ԽԱՆՈՒՄ, ՀԵՓ, ՀՈՓ, ՀԵՓ, ՀՈՓ,

ՔՈՒՆԴ Ա ՏԱՆՈՒՄ, ՀԵՓ, ՀՈՓ, ՀԵՓ, ՀՈՓ:

3. ՀԱՐԻ, ՀԱՐԻ, ԽՆՈՑԻ

Հարի, հարի, խնոցի,

Մեջդ բարի, խնոցի,

Ունկդ բարակ, խնոցի,

Մեջդ կարագ, խնոցի:

Փլավ կեփեմ՝ եղ չըկա,

Փեսեն էկավ՝ տեղ չկա,

Հարի, հարի, խնոցի,

Մեջդ բարի, խնոցի:

4. ՋԱՂԱՑՍ ՄԱՆԻ, ՄԱՆԻ

Ջաղացս մանի մանի

Չըխկ չըխկ

Հա չըխկչխկա:

Ցորենը ալյուր անի

Չըխկ չըխկ

Հա չըխկչխկա:

Ջաղցի քարեր չըխկչըխկա

Չըխկ չըխկ

Հա չըխկչխկա:

Քունս անուշ կտանի

Չըխկ չըխկ

Հա չըխկչխկա:

Աղունը փոշի փոշի

Չըխկ չըխկ

Հա չըխկչխկա:

Ալրատունը կհոսի

Չըխկ չըխկ

Հա չըխկչխկա:

Ախպեր ջան խուրջինդ բեր

Չըխկ չըխկ

Հա չըխկչխկա:

Ածենք լուսը ալուրի

Չըխկ չըխկ

Հա չըխկչխկա:

Ջաղացս մանի մանի

Չըխկ չըխկ

Հա չըխկչխկա:

Ցորենը ալյուր անի

Չըխկ չըխկ

Հա չըխկչխկա:

5. ԳՈՒՆԴ ԱՆԵՄ

Գունդ անեմ, գունդ անեմ, գունդ անեմ

Տապ անեմ, ալյուր ցանեմ, տապ անեմ, տապ անեմ:

Գունդ բացեմ, գունդ բացեմ, գունդ քցեմ, գունդ քցեմ

Բատատին քցեմ, թոնրին խփեմ, հաց հանեմ , հաց հանեմ:

6 . ԲԱՂԸ ՔԱՂԻՆՔ

Բաղը քաղինք, խաղողը տարանք,
Չարազը, չարազը,
Ճառթեք, տըղներ, մաճառ խըմենք,
Ավազը, ավազը:

Խաղողը ճառթենք, կարմիր շիրան
Չըռչըռա, չըռչըռա,
Լըցնենք կարասն, էփի, թափի,
Վըռվըռա, վըռվըռա:

Դե՛, Ճառթի, հա՛, դե՛. Ճառթի, հա՛,
Կըրընկի, կըրընկի,
Չըփչըփացրու, ֆըռռա — խաղա
Տըրընգի, տըրընգի:

Խաղողը ճառթի, շիրան հանենք,
Ճըփճըփա, ճըփճըփա,
Մաճառ խմենք ու խաղ կանչենք,
Զըրընգա, զըրընգա:

7. Հունձքի երգ

Հունձքի երգ

Մեր տանը դեմ հասած գարի,
Մեր տանը դեմ հասած գարի,
Քանի քաղեմհովը տանի:
Քանի քաղեմ հովը տանի:

Երկու կաքավ մեջ կը բանի
Երկու կաքավ մեջ կը բանի
Մեկն իմ յարիս շատ նըման ի:
Մեկն իմ յարիս շատ նըման ի:

Քովի արտըհասած ցորեն,
Քովի արտը հասած ցորեն,
Պիտի քաղենք ութը օրեն,
Պիտի քաղենք ութը օրեն,

Մեր ամբարներ պիտի լեցվին,
Մեր ամբարներ պիտի լեցվին,
Հատիկներով ոսկի նորեն:
Հատիկներով ոսկի նորեն:

8. Ցորեն եմ ցանե

Ցորեն եմ ցանե արտը

Ցորեն եմ ցանե

Ցորեն եմ ցանե արտը, ծլե, կանաչե,

Հեռու տեղ ախպերմ ունիմ, անկաջը   կանչե:

Կաքավ եմ քարի միջին, ցորեն եմ ցանե,

Ձեն կուտամ ձորի միջին, ցորեն եմ ցանե:

Հանդեն ծաղիկ քաղել եմ, ցորեն եմ ցանե,

Դաստա արել, կապել եմ, ցորեն եմ ցանե:

Կրկնակ. 

   Ցորեն եմ ցանե արտը, ծլե, կանաչե,

   Հեռու տեղ ախպերմ ունիմ, անկաջը կանչե:

Կաքավ եմ, սար ման գուկամ, ցորեն եմ ցանե,

Բլբուլ եմ, բաղ ման գուկամ, ցորեն եմ ցանե:

Գնացել ու եկել եմ, ցորեն եմ ցանե,

Չարոխ գուլպես կոկել եմ, ցորեն եմ ցանե:

Կրկնակ. 

   Ցորեն եմ ցանե արտը… 

9. Հաց կթխեմ գարի ա

1. Հաց կթխեմ, գարի ա,

Երի, երի, էրվա, օ՜յ, օ՜յ,

Էս ինչ ուրախ տարի ա,

Շեկո ջան, էրվա, օ՜յ, օ՜յ:

2. Կրակը թռավ քարից,

Երի, երի, էրվա, օ՜յ, օ՜յ,

Ես կմեռնեմ քո դարդից,

Շեկո ջան, էրվա, օ՜յ, օ՜յ:

3. Ծով ա դառե մեր դաշտը,

Երի, երի, էրվա, օ՜յ, օ՜յ,

Լիքը հաց ա մեր տաշտը,

Շեկո ջան, էրվա, օ՜յ, օ՜յ:

4. Հաց եմ թխել մշակին,

Երի, երի, էրվա, օ՜յ, օ՜յ,

Ետ եմ նստել դոշակին,

Շեկո ջան, էրվա, օ՜յ, օ՜յ: