Month: Հուլիսի 2020
«Սեյրան Ավագյան» ծննդյան նախագիծ 2020թ.
Սեյրան Ավագյանի ծննդյան նախագծի շրջանակներում
Արևելյան դպրոցի «Բորյի-բրոյի» ճամբարային երաժշտական ներկայացման մեկնարկ,
ժամը՝ 11.00-12.00-ը։
Ծրագրում՝
Պարերգ լողավազանում — Էսօր լուսնակ նորել է
Երգուաուցում՝ Բրոյի-բրոյի
Ջրային խաղեր
«Արի տես՝ Արատես», եռօրյա ճամփորդություն
Գաղտնիք չէ, որ Հայաստանը հարուստ է իր հրաշք բնությամբ: Լինելով մեր երկրի ամենատարբեր տեսարժան վայրերում, չեմ կարող չառանձնացնել Արատեսի հրաշք բնությունը, մաքուր օդը, ակնահաճո տեսարաններն ու խորհրդավոր լռությունն ու հանգստությունը:
Օրեր առաջ ընտանիքիս հետ միասին անցկացրեցինք հիշարժան, գեղեցիկ ու հաճելի օրեր Արատեսում: Թերևս լուսաբացին, առաջին բանը, որ մտիս էր գալիս, դա այն զղջումն էր, որ նկարչուհի չեմ, որ կարողանամ վրձնի հպումով արտացոլեմ տեսարանի ողջ շքեղությունը իմ նկարում:
Տեսարան, որը քեզ ապրեցնում է, հոգուդ արտասովոր խաղաղություն ու հանգստություն է հաղորդում, նոր շունչ, թարմ լիցքեր և ոգեշնչում է օրդ սկսել բարձր տրամադրությամբ՝ եռանդով ու ավյունով:
Հագեցած օրվա մեկնարկը տրվում էր մարմնամարզությամբ, նախաճաշով, այնուհետև տարատեսակ ազգային խաղերով, երգ ու պարով, լողալով Արատեսի լողափում, հաղթահարելով Սմբատաբերդի թվացյալ անհաղթահարելի բարձունքը և այս ամենը համեմված էր ջերմ ու տաք մթնոլորտով:
Այս անգամ ես ճամփորդում էի գիշերակացով միջին դպրոցի սովորողների և իմ լավ գործընկերների հետ: Մթնոլորտը բնության պես առողջ էր, որտեղ տիրում էր համերաշխություն, միանման հետաքրքրություններ, բազում նոր մտքերի ու գաղափարների կյանքի կոչելու անհագ ցանկություն:
Օրվա ավարտը հեքիաթային էր և անմոռանալի: Խարույկ աստղատազարդ երկնքի տակ՝ երգելով և վայելելով Կոմիտասյան երաժշտություն, հայկական ֆոլկլոր, հին ու բարի ժամանակների, երբեք չմոռացվող երգեր:
Տպավորություններ, ակնթարթներ, ժամանց, որը երբեմն դժվար է բառերով նկարագրել: Երբ այդ հանդարտ ու հարազատ միջավայրում նայում ես դեպի աստղազարդ երկինք՝ մտովի տեղափոխվում ես ուրիշ աշխարհ, որտեղ բազում վառ գույներ են, լուսավոր ու պայծառ միջավայր: Պահում ես սրտիդ ամենածածուկ անկյունի ամենանվիրական երազանքները և լցվում հույսով ու հավատով, որ վաղը, հենց վաղը, դրանք կյանքի են կոչվելու…..
Ընդհանուր պարապմունքների կազմակերպման ուղեցույց
Ընդհանուր պարապմունքի կազմակերպման կարգ
Ընդհանուր պարապմունքների կազմակերպման ուղեցույց
- 8.45-9.00 սովորողների, դասավանդողների ջերմաչափում
- 9.00-9.15 ընդհանուր պարապմունքներ
- ընդհանուր պարապմունքները կազմակերպվում են նախօրոք որոշված բացօթյա տարածքներում մինչև 60 հոգանոց խմբերով
- խմբային ընդհանուր պարապմունքի կազմակերպման պատասխանատուն է դասվարը, կազմակերպիչը, նախօրորք որոշված նախագծային խմբերը
- խմբային ընդհանուր պարապմունքի բովանդակության պատասխանատուն է երաժիշտը, դասվարը, կազմակերպիչը, նախօրորք որոշված նախագծային խմբերը
- սովորողը պարապմունքին մասնակցում է դասարանով՝ իրենց համար որոշված տեղում
- մանկավարժական աշխատողը պարապմունքին մասնակցում է դպրոցի ղեկավարի որոշած դասարանի հետ
- սովորողի մասնակցությունը հաշվառում և գրանցում է պատասխանատու մանկավարժական աշխատողը և պարապմունքից հետո բացակաների ցուցակը տալիս գրասենյակ (ավագ դպրոցում) կամ մեկ ժամվա ընթացքում բացակայությունները գրանցում հաշվառման մատյանում (հիմնական դպրոց):
- մանկավարժական աշխատողի մասնակցությունը պարապմունքին սահմանված կարգով հաշվառում է գրասենյակի ղեկավարը
- ընդհանուր պարապմունքի ծրագիրը կազմում են նախագծային խմբերը, որը ծրագրի ղեկավարի հաստատումից հետո տեղադրվում է դպրոցի ենթակայքում
- ընդհանուր պարապմունքի միասնական ծրագրում նշվում է խմբային պարապմունքների անցկացման վայրերը, պարապմունքի կազմակերպման, անցկացման պատասխանատուների անունները
- ընդհանուր պարապմունքի ծրագիրը պատասխանատուն ուղարկում է դասավանդողների և սովորողների մեյլերին
Ընդհանուր պարապմունքների ծրագրերում կարող են ներառվել՝
- ծրագրային, նախագծային երգեր, խաղերգեր, պարերգեր
- ծրագրային, նախագծային հոգևոր երգեր
- ծրագրային, նախագծային միասնական ընթերցանության հատվածներ
- մարմնամարզություն, մարզական ֆլեշմոբեր
- հոգեբանական, մտավարժական զարգացնող խաղեր
- եթե տարծքը ապահոված է ուժեղացուցիչով՝ պարեր
- այլ ծրագրային և նախագծային նախաձեռնություններ
Նախագիծ. Երգչախմբային երաժշտական գունապնակն Արատեսում
Նախագիծ. Երգչախմբային երաժշտական գունապնակն Արատեսում:
Մասնակիցներ՝ Միջին դպրոցի սովորողներ, դասավանդողներ, ծնողներ:
Ճամփորդության ժամանակահատված՝ հուլիսի 20-22-ը:
Վայրը՝ Արատես
- Նպատակ և խնդիրներ ՝
Ա) Երգչախմբային և հոգևոր երաժշտության ներկայացում, տարածում:
Բ) Ծանոթացում խմբերգային արվեստի հիմքերին և ձևավորմանը:
Գ) Խմբերգային երաժշտությունն արժևորելու, փոխանցելու, նորովի ներկայացնելու:
Դ) Սովորողների մոտ բազմաձայն երաժշտությունը, լսողությունը, ինչպես նաև այն հեշտ ընկալման կարողությունների զարգացում:
Ամփոփում՝
Արատեսի վանքում բազմաձայն երգերի կատարումներ, ինչպես նաև հոգևոր, ազգային երգ ու պար: Արդյունքները տեսագրել, լուսաբանել ուղղիղ եթերի միջոցով:
Մարինե Ոսկանյան 