Մութն ընկել է, ուշ է արդեն
Աչիկներն են ձեր փակվում,
Երազի մեջ մութ գիշերվա
Հեքիաթներն են արթնանում:
Եվ գիշերն էլ մոր պես բարի
Ձեզ շոյում է երազում,
Ու մինչև լույս աստղ ու լուսին
Անուշ օրոր են ասում:
Ձեզ շոյում է երազում,
Ու մինչև լույս աստղ ու լուսին
Անուշ օրոր են ասում:
Դե, փոքրիկ ջան, նանիկ արա,
Քեզ օրոր եմ ես ասում,
Ինչ ուզում ես կտեսնես դու
Քո անուշիկ երազում:
Աչքդ փակիր, տես ինչ սիրուն
Հեքիաթներն են ժպտում …
Մարինե Ոսկանյան 