Առավոտյան տոնական ընդհանուր պարապմունք Սեպտեմբերի 1

 

 

1.Կրթահամալիրի հիմնը `«Անդաստան»     

                                                                                   

2. Մարմնամարզություն          

                                                                                                                                                                                           

3.. Պարերգ` Ախ լոթի Մարան

Ախ, լոթի մարան, ջան Մարան,          

Ջան, լոթի մարան, ջան Մարան:

Նոր տնկած, բաղի բար ես,

Ախ, լոթի մարան, ջան Մարան,

Ինձի թազա նուբար ես,

Ջան, լոթի մարան, ջան Մարան,

Անունիդ մեռնեմ տղա,

Ախ, լոթի մարան, ջան Մարան

Աշխարհի բարեբարն ես,

Ջան, լոթի մարան, ջան Մարան:

Ախ, լոթի մարան, ջան Մարան,

Ջան, լոթի մարան, ջան Մարան:

 

4.  Միասնական պար` Կոմիտաս Շորոր և Էջմիածին

0 (1)

 

 

Առավոտյան ընդհանուր պարապմունք-մարզատոն 30.08.2017թ.

  1. Ուրախ և լուսավոր տրամադրություն ))

2. Առավոտյան մարմնամարզություն

3. Ծափերի շքերթ

4. Ֆլեշմոբ

5. Պարերգերի կատարում`​ առանց նվագակցության — Ախ լոթի մարան և  Սև ա չոբանի շունը

 

Ամառային երաժշտական լողափնյա ճամբար․ 10․08.2017

3.jpg

Հինգշաբթին` խոստումնալից, հագեցած, ուսումնական, ներառական, աշխատանքային, ժամանցային:

Տարածքի մաքրման աշխատանքով էլ սկսվեց հինգշաբթին: Այնուհետև խաղեր 5 (6) տարեկանների հետ` ինտելեկտուալ, զարգացնող, մարզական:

Ընկեր Հասմիկի օգնությամբ էլ հնարավորություն ունեցանք ծանոթանալու, սովորելու և խաղալու սեղանի թենիս:

Իսկ Սյուզի Մարգարյանն ու Արեգ Տոնոյանը զերծ չմնացին ճամբարականներին ազգային երգի ներկայացման և ուսուցման գործում:

Դե իհարկե,կավագործությունը մեծ դեր ու նշանակություն ունի երեխայի կյանքում, նրանք մեծագույն հաճույքով են մասնակցում կավագործության պարապմունքներին: Հյուսիսային դպրոցի ճամբարականներն ու Արևելքի ճամբարականները միասին ծանոթանալուց հետո, անցան գործի` համատեղ, կավով պատրաստեցին և գունավորեցին հետաքրքիր աշխատանքներ:

Դե իհարկե արևելյան դպրոց հասնելուն պես, անպակաս չմնաց նաև լողը, ճաշը և հեքիաթաթերապիան` Լիլիթ Շահբազյանի հետ:

Այսօր Արևելքի ճամբարը հյուրընկալեց նաև կրթահամալիրի պատմաբան` Վահրամ Թոքմաջյանին: Համատեղ զրուցներ, քննարկումներ, դաստիարակչական աշխատանքներ:

Օրն այսպես էլ ավարտեցինք, իսկ ամփոփումը թողնում եմ Ձեզ)):

Ամառային երաժշտական լողափնյա ճամբար․ 08․08.2017

20170808_091317

Այսօր օրը սկսեցինք ճամբարականների և 5(6) տարեկանների խմբի հետ համատեղ խաղով, այնուհետև մեզ միացան նախակրթարանի մեր փոքրիկները։ Միասին երգեցինք, մարմնամարզություն արեցինք, նախաճաշեցինք։

Արևելյան ճամբարը նախապատրաստվում է Անձրևաբեր ծեսին։ Մարինե Մկրտչյանի օգնությամբ այսօր 3 խմբի հետ միասին սովորեցինք ծեսին կատարվելիք երգերը, ճամբարականներին բացատրվեց ծեսի իմաստը, խորհուրդը, որտեղից է այն ծագել և այլն։

Այսօրվա օրակարգում անմասն չմնաց նաև կավագործությունը։ Ճամբարականները գունավորեցին իրենց իսկ պատրաստած աշխատանքները և վերցրին ծնողներին ցույց տալու համար։

Դե իհարկե, առանց լողի էլ ի՞նչ ճամբար։

Օրն ավարտեցինք հաճելի և խաղաղ մթնոլորտում, սպասելով վաղվա կարևոր իրադարձություններին։

 

 

Ամառային երաժշտական լողափնյա ճամբար․ 07․08.2017

2

Առավոտյան հանդիպեցինք ճամբարականների հետ, ուրախ և հաճելի տրամադրությամբ:

Միմյանց հետ ծանոթանալուց հետո անցանք գործի:

Առավոտյան ընդհանուր պարապմունք` այգում:

Ռիթմիկ խաղեր, որը երեխայի մոտ զարգացնում է ռիթմային զգացողությունը, լսողությունը, ռեակցիան:

Ժամը 11-ին Հյուսիսային դպրոցում մասնակցեցինք Արտվերածննդի պարապմունքին, որտեղ ճամբարականները ծանոթացան կավով աշխատելու հմտություններին և միաժամանակ մեզ հյուր էին Ար հեռուստաընկերության լրագրողները, որի ընթացքում նաև նկարահանվեցինք հեռուստաընկերության կողմից պատրաստվող հաղորդաշարին:

Այնուհետև նախաճաշ, լող, երաժշտական պարապմունք, որի ընթացքում սովորեցինք 3 երգ` 1-ը անգլերեն լեզվով և շարժումներով` Good morning, Կոմիտասի Կաքավիկը և Ռ. Հախվերդյանի Իմ փոքրիկ Նավակ երգերը:

Օրը ավարտեցինք բարձր տրամադրությամբ, վաղվա օրը նույնպես գեղեցիկ սկսելու ակնկալիքով:

 

Ամառային ճամբարի 9-րդ փուլ․ 07․08 — 11․08․2017

14680629_1281911058540437_8592207224160763331_n

«Մխիթար Սեբաստացի» կրթահամալիրի Արևելյան դպրոցում օգոստոսի 7-ից մեկնարկում է

ամառային ճամբարի հերթական շաբաթը «Լողափնյա երաժշտական ճամբար» խորագրով:
Ճամբարը կազմակերպվում է ինչպես հանրապետության, այնպես էլ օտարերկրյա սովորողների համար:

Ճամբարային օրակարգ Օգոստոսի 7-ից-11-ը

Օգոստոսի  7, Երկուշաբթի

9:00-10:00 — Առավոտյան ընդհանուր պարապմունք (վազք, մարմնամարզություն, երգ, պար)

10:00-10:15 – Ծանոթացում ճամբարականների հետ
10:15-11:00 — Աշխատանք արևելյան դպրոցի շրջակայքում
11:00-12:00 — Արտվերածննդի պարապմունք

12:00-12:30 — Ընդմիջում-նախաճաշ
12:30-14:00 —Լող, Ռիթմիկայի զարգացում ջրում
14:00-14:30 — Ընդմիջում-ճաշ
14:30-15:30 — Սեղանի թենիս
15:30-16:00 — Օրվա ամփոփում

Օգոստոսի 8, Երեքշաբթի

9:00-10:00 —  Առավոտյան ընդհանուր պարապմունք (վազք, մարմնամարզություն, երգ, պար)
10:00-10:30 — Աշխատանք արևելյան դպրոցի շրջակայքում
10:30-12:00 — Լողափնյա խաղեր, ռիթմիկայի կիրառում ջրում
12:00-12:30 — Ընդմիջում-նախաճաշ
12:30-14:00 — Պարերգի ուսուցում, ծանոթացում երաժշտական գործիքների հետ
14:00-14:30 — Ընդմիջում՝ ճաշ
14:30-15:30— Հեծանվասպորտ
15:30-16:00 — Օրվա ամփոփում

Օգոստոսի  9, Չորեքշաբթի

9:00-10:00 — Առավոտյան ընդհանուր պարապմունք (վազք, մարմնամարզություն, երգ, պար)

10:00-10:30  — Պարուսուցում

10:30-12:00 – Լող. — նոտագրագիտության ուսուցում ջրում

12:00-12:30 — Ընդմիջում՝ նախաճաշ

12:30-14:00 — Երգի ուսուցում, Երաժշտական գրականություն` ծանոթացում, հայ և արտասահմանյան կոմպոզիտորների կյանքին, ստեղծագործական ուղղուն
14:00-14:30 — Ընդմիջում-ճաշ
14:30-15:30 — Թենիս, բակային խաղեր՝ գնդակ, պարան, օղակ
15:30-16:00 — Օրվա ամփոփում

Օգոստոսի 10, Հինգշաբթի

9:00-10:00 — Առավոտյան ընդհանուր պարապմունք (վազք, մարմնամարզություն, երգ, պար)

10:00-10:45 — Տարածքի բարեկարգման աշխատանքներ
10:45-12:00 — Լող
12:00-12:30 — Ընդմիջում՝ նախաճաշ
12:30-14:00 — Երաժշտական գրականություն, երաժշտական գործիքների ուսումնասիրություն, ծանոթացում, երգի ուսուցում

14:00-14:30 — Ընդմիջում՝ ճաշ
14:30-15:30 — Հեքիաթաթերապիա՝ հոգեբանական հեքիաթների ընթերցում, նկարազարդում՝ «Տիգրան Հայրապետյան» ընթերցասրահում, Լիլիթ Շահբազյանի հետ

15:30-16:00 — Օրվա ամփոփում

Օգոստոսի 11, Ուրբաթ

9:00-10:00 — Առավոտյան ընդհանուր պարապմունք (վազք, մարմնամարզություն, երգ, պար)

10:00-10:45 — Հեծանվասպորտ
10:45-12.00 — Լողափնյա պարերգերի կատարումներ
12:00-12:30 — Ընդմիջում՝ նախաճաշ
12:30-14:00 – Երգի, պարի ուսուցում, երաժշտական ժանրերի ուսումնասիրություն, օտարալեզու երգերի ուսումնասիրում և խոսքերի արտաբերում երգի միջոցով
14:00-14:30 — Ընդմիջում՝ ճաշ
14:30 — 15:30 — Ճամբարային մեդիապարապմունք
15.30-16.00 — Օրվա ամփոփում