Ռ․ Ամիրխանյան Եղևնին

Խոր անտառից մեզ հյուր եկավ,

Սիրուն մի ծառ, գարուն մի ծառ,

Կանաչ թիկնոցն առած ուսին,

Եկավ ուրախ մեր հանդեսին։

Մայրիկն ասաց․- զարդեր չունես,

Ես քեզ զարդեր կտամ պես-պես։

Հայրիկն ասաց․- դու չտխրես,

Կարմիր աստղիկ կտամ ես քեզ։

Տատիկն ասաց․-ծառ ես բոբիկ,

Քեզ տամ բամբակ, կապիր ոտիդ։

Պապիկն ասաց․- բացեք հանդես,

Ձմեռ պապի դառնամ ես Ձեզ։

 

Ես էլ ասի․- սիրուն իմ ծառ,

Անթիվ զարդեր ունեմ պայծառ,

Արի սիրուն քեզ զարդարեմ,

Շրջան բռնած, շուրջդ պարեմ։

 

Լա, լա, լա․․․․

 

Advertisements

Ռ․ Ամիրխանյան Դինգ-Դոնգ

Դինգ-դոնգ ձմռան երկնքում,

Դինգ-դոնգ աստղերն են զնգում,

Դինգ-դոնգ դինգ, երկինքը աստղալից,

Լուռ ժպտում է մեզ հեռվից:

Դինգ-դոնգ դինգ, երկինքը աստղալից,

Լուռ ժպտում է մեզ հեռվից:

Դինգ-դոնգ, զիլ զնգա մեր զանգ,

Դինգ-դոնգ, տուր մեզ երազանք,

Դինգ-դոնգ դինգ,  ինչ լավն է եղևնին,

Զիլ զանգերն  իր թևերին..

Դինգ-դոնգ դինգ,  ինչ լավն է եղևնին,

Զիլ զանգերն  իր թևերին..

Ծիլինգ, ծիլինգ․․․․․

Զիլ զանգերն իր թևերին։

 

Ռ․ Ամիրխանյան Մութն ընկել է

Մութն ընկել է, ուշ է արդեն
Աչիկներն են ձեր փակվում,
Երազի մեջ մութ գիշերվա
Հեքիաթներն են արթնանում:

Եվ գիշերն էլ մոր պես բարի
Ձեզ շոյում է երազում,
Ու մինչև լույս աստղ ու լուսին
Անուշ օրոր են ասում:

Դե, փոքրիկ ջան, նանիկ արա,
Քեզ օրոր եմ ես ասում,
Ինչ ուզում ես կտեսնես դու
Քո անուշիկ երազում:

Աչքդ փակիր, տես ինչ սիրուն
Հեքիաթներ են քեզ ժպտում …

Расскажи, Снегурочка…


Ամանորը՝ Արևելքում Երգերի ցանկ և բառեր

1-ից-3-րդ դասարաններ

  1. Ավետիս (Քրիստոս Ծնավ և Հայտնեցավ)

  2. Ավետիս (Այսօր տոն է սուրբ ծննդյան)

  3. Dona Nobis Pacem

  4. Զար Զընգը

  5. Բասեն Բարի

  6. Snow Flax

  7. Снегурочка

  8. Հեյ, ջան Երևան

Ռ․ Ամիրխանյան մանկական երգերի ժողովածու

  1. Օրորոցային

  2. Դինգ — Դոնգ

  3. Եղևնին

  4. Հնչյուններ

  5. Նոր տարվա հանդես

Նախադպրոցական հաստատություններում աշխատողների հնգօրյա վերապատրաստում

Նախադպրոցական հաստատություններում աշխատողների հնգօրյա վերապատրաստում

Ծրագրում՝ Կոմիտասյան և Թումանյանական երգեր, բեմադրություններ:

1. Կաքավիկ

2. Կոտ ու կես

3. Խնոցի

4. Ախ, ինչ լավ է

5. Ամպի տակից, ջուր է գալիս

 

1. Կաքավիկ

Բառեր

Արև բացվեց թուխ ամպերեն,

Կաքավ թըռավ կանաչ սարեն,
Կանաչ սարեն՝ սարի ծերեն,
Բարև բերավ ծաղիկներեն.
Սիրունի՛կ, սիրունի՛կ,
Սիրունի՛կ, նախշուն կաքավիկ:

Քո բուն հյուսած ծաղիկներով
Շուշան, նարգիզ, նունուֆարով,
Քո տեղ լրցված ցող ու շաղով,
Քընես-կելնես երգ ու տաղով.
Սիրունի՛կ, սիրունի՛կ,
Սիրունի՛կ, նախշուն կաքավիկ: 

Քո թև փափուկ ու խատուտիկ,
Պըստի կըտուց, կարմիր տոտիկ,
Կարմիր-կարմիր տոտիկներով,

Կըշորորաս ճուտիկներով.

Սիրունի՛կ, սիրունի՛կ,
Սիրունի՛կ, նախշուն կաքավիկ: 

 

2. Կոտ ու Կես

Կոտ ու կես կորեկ ունեմ ցանելու համար,
Ճնճղուկներ թռան եկան ուտելու համար,
Կռացա քար վեր առա զարկելու համար,

____Այ ճնճղուկիկ,
____Կարմիր տոտիկ,
____Սիպտակ փորիկ,
____Ուտեն կուտիկ,
____Խմեն ջրիկ,
____Առվի եզրիկ,
____Պստիկ-մստիկ,

Փախչեն երթան ման գալու համար:

 

Թռան գացին բերդի տանիս գանգտելու համար

Ղասաբներ ժողվան, էկան դեղմաշկի համար

Երեցներ ժողվան, էկան օրհնելու համար

____Այ ճնճղուկիկ,
____Կարմիր տոտիկ,
____Սիպտակ փորիկ,
____Ուտեն կուտիկ,
____Խմեն ջրիկ,
____Առվի եզրիկ,
____Պստիկ-մստիկ,

Փախչեն երթան ման գալու համար:

3. ԽՆՈՑԻ

Հարի՛, հարի՛, խնոցի՛,

Մեջդ բարի, խնոցի՛,
Ունկըդ բարակ, խնոցի՛,
Մեջըդ կարագ, խնոցի՛։

Փլավ կեփեմ եղ չկա

Փեսեն էկավ տեղ չկա

Հարի՛, հարի՛, խնոցի՛,
Բերքդ բարի, խնոցի:

4. Ախ, ինչ լավ են սարի վրա

Ախ, ինչ լավ են սարի վրա

Անցնում օրերն անուշ, անուշ,

Անրջային, թեթևասահ

Ամպ ու հովերն անուշ, անուշ:

Ահա բացվեց թարմ առավոտ,

Վարդն է թափում սարին-քարին,

Շաղ են շողում ծաղիկ ու խոտ,

Շնչում բուրմունք եդեմային:

Ախ, ինչ հեշտ են սարի վրա

Սահում ժամերն անուշ, անուշ,

Շվին փչեց հովիվն ահա,

Աղջիկն ու սերն անուշ, անուշ:

 

5. Ամպի տակից ջուր է գալիս

Ամպի տակից ջուր է գալիս,
Դոշ է տալիս, փրփրում,
էն ո՛ւմ յարն է նստած լալիս
Հոնգուր-հոնգուր էն սարում։

Ա՛յ պաղ ջրեր, զուլալ ջրեր,
Որ գալիս եք սարերից,
Գալիս՝ անցնում հանդ ու չոլեր,
Յարս էլ խմե՞ց էդ ջրից։

Ամպի տակից ջուր է գալիս,
Դոշ է տալիս, փրփրում.
Ա՜խ, իմ ազիզ յարն է լալիս
Հոնգուր-հոնգուր էն սարում։